Dinusa ti rebolusyonaryo a tignay ni Garde Francisco, aset paniktik ti 15th IB ken addaan ti agtutuon a kaso a kriminal laban iti rebolusyonaryo a tignay ken kadagiti sibilyan.

Napatay isuna iti panagraut ti New People’s Army (NPA) -Southwest Negros (Armando Sumayang Jr) iti balay na idiay Sityo Lumbia, Barangay Kamansi, Kabankalan City, Negros Occidental idi Oktubre 3 ti rabii.

Ni Francisco ket imbwelto iti tallo a dadakkel a kaso ti pammapatay kadagiti sibilyan, rebolusyonaryo a lider ken Nalabbaga a mannakigubat iti isla ti Negros.

Maysa kadagiti kaso na ti panangtulong iti militar iti panangpatay ken Ericson Acosta, konsultant iti kapya ti National Democratic Front (NDF)-Negros, ken ti kadwa na a lider-mannalon a ni Joseph Jimenez iti Barangay Kamansi idi Nobyembre 30, 2022.

Imbwelto met ni Francisco iti panagmasaker dagiti armado a tauhan ti estado kadagiti saan nga armado nga upisyal a medik ti NPA, kabilang ti maysa nga 6-bulan a masikog ken maysa a sibilyan a drayber idiay Barangay Tabugon idi Setyembre 21, 2023. Karaman met ni Francisco iti kaso ti panagmartir ti Kabankalan 7 idiay Barangay Tapi idi Abril 27.

Segun ken Ka Andrea Guerrero, tagapagsarita ti NPA-Southwest Negros, ti armado nga aksyon ket paset ti pananggun-od ti hustisya kadagiti biktima ti panagatake ti estado ken agserbi met a palagip kadagiti addaan “utang a dara” iti rebolusyon. “Saan a malipatan ti pakasaritaan dagiti krimen yo, ken ilaban ti NPA ti hustisya,” kunana.

Idiay Samar, immuna a nakaputok ti NPA-Western Samar (Arnulfo Ortiz Command) laban iti agop-operasyon a tropa ti 8th ID idiay Sityo San Pedro, Barangay Poblacion 3, San Jose de Buan idi Setyembre 27 ti malem. Maysa a soldado ti napatay ken adu ti nasugatan kadagiti berdugo.

Idiay Oriental Mindoro, pinaay ti NPA-Mindoro (Lucio de Guzman Command) ti panagatake ti tropa ti 203rd IBde ken 2nd CMO Battalion iti temporaryo nga istasyon daytoy idiay Sityo Badyang, Barangay San Roque, Bulalacao idi Oktubre 1. Organisado a nakabales ti putok ti hukbo ti umili a nangdis-organisa iti kabusor ken nangpaatras kadakwada.

Idi Setyembre 25, nakapagdepensa met ti NPA-Mindoro laban iti umat-atake a pwersa ti 203rd IBde idiay Sityo Barayong, Barangay Manuol, Mansalay. Tallo a soldado ti 203rd IBde ti napatay iti labanan, bayat nga adu pay ti nasugatan.