Pormal a naluktanen ti Jose Maria Sison (JMS) Legacy Museum idiay Utrecht, The Netherlands idi Setyembre 19. Ti panaglukat ket indauluan ni Ka Julie de Lima, byuda ken kapada a rebolusyonaryo ni Ka Joma, kadwa da dagiti gagayyem, tagasuporta ken lokal nga upisyal ti syudad.

Ti JMS Legacy Museum ket maysa nga espasyo a mangitampok iti biag ken patawid ni Ka Joma. Imatmatonan daytoy ti JMS Legacy Foundation, a mangnamnama a ti museo ket makaited ti inspirasyon kadagiti sumaruno a henerasyon.

Matalgiapan iti museo ti biag ni Ka Joma kas maysa a napudno a rebolusyonaryo, pudno nga internasyunalista, mararaem nga intelektwal ken mabigbig a mannaniw. Makita ditoy ti sumagmamano a bidyo dagiti maudi nga interbyu ken Ka Joma, dagiti ladawan na, dokumento ken dadduma pay. Silulukat ti museo para kadagiti mangayat a mapan ken bumisita.