Pormal na nga gin-abrihan an Jose Maria Sison (JMS) Legacy Museum ha Utrecht, The Netherlands hadton Septyembre 19. An pag-abre gipangunahan ni Ka Julie de Lima, balo ngan igkasi rebolusyunaryo ni Ka Joma, kaupod an mga sangkay, mga tagasuporta ngan lokal nga upisyal han syudad.

An JMS Legacy Museum usa nga espasyo nga magpapakita ha kinabuhi ngan mga sulundanon ni Ka Joma. Gin-aadministrar ini han JMS Legacy Foundation, nga naglalaum nga makakaghatag inspirasyon an museo ha mga masunod nga henerasyon.

Makikit-an ha museo an kinabuhi ni Ka Joma komo usa nga tangkod nga rebolusyunaryo, tinuod nga internasyunalista, ginrerespeto nga intelektwal, ngan kilalado nga paragsiday. Makikit-an dinhi an pira nga mga bidyo han urhi nga interbyu ni Ka Joma, iya mga litrato, dokumento ngan iba pa. Abrido an museo para ha mga karuyag kumadto ngan bumisita.