Kalbaryo ti Umili, naiyaramid iti Semana Santa. Naiyaramid ti Kalbaryo ti Umili 2026 manipud Martes Santo agingga Byernes Santo, Abril 3, tapno ilanad dagiti bakbaklayen ti umili a Pilipino, nangruna iti sango ti krisis iti ekonomya.

Ti aktibidad ket narugyan iti komunidad iti NIA Road idiay Quezon City idi Marso 31. Napasamak ti kapada nga aktibidad iti Tondo idiay Manila, Caloocan, Malabon, Navotas ken iti Welcome Rotonda ken Tatalon idiay Quezon City. Kagiddan a naangay ti Kalbaryo ti Mangmangged iti Salun-at ken Umili iti sango ti Department of Health laban iti panagngato ti presyo ti agas ken nayon a parigat iti panagpaospital. Idiay Davao City, napasamak ti “Kalbaryo sa Katawhan” iti panangiyuna dagiti progresibo a grupo.

Barikada kontra mina ti katutubo a Palaw’an. Nagitakder ti barikada dagiti katutubo a Palaw’an ken residente ti Sityo Linao, Barangay Ipilan, Brooke’s Point idiay Palawan manipud idi Marso 26 tapno lapdan ti panagserrek ken panagminas ti Calmia Nickel, Inc. Gapu iti takder da, butbutngen ken ip-ipiten isuda ti kumpanya.

Ti Calmia Nickel, Inc, nga agserserbi nga opereytor ti proyekto a minas ti Infanta Nickel Project, ket kinontrata ti MacroAsia Mining Corporation a subsidyaryo ti MicroAsia Corp a sanikwa ti burges kumprador a ni Lucio Tan.