Iginpatuman han Bagong Hukbong Bayan (BHB)-South Central Negros (Romeo Nanta Command) an rebolusyunaryo nga hustisya ha desisyon nga sirot kamatayon ha despotiko nga agaron maytuna ngan lider han armado nga grupo nga Alsa Masa nga hi Philippine Army 2LT Rodolfo Fajardo (Ret) hadton Abril 12. Gin-ambus han hukbo han katawhan hi Fajardo ha Barangay Payao, Binalbagan, Negros Occidental.

Iginhimo an pagsirot subay ha mando han husgado han katawhan ha erya. Ginsentensyahan hiya nga salaan han rebolusyunaryo nga korte ha mga kaso han hiluagan nga panlulupot han tuna, damo nga ihap han pagpatay, ngan grabe nga pangabuso ha poder. Diri mamenos ha 14 nga mga parag-uma an ginpatay ngan iginpapatay ni Fajardo ha mga serye han masaker, panunog ngan ekstra-hudisyal nga pagpatay. Nagserbe liwat hiya nga kumander han detatsment ha Barangay Cansalungon, Isabele hadton 1985-1986. Sanglit, malipayon nga gintapo han mga pamilya han mga biktima bu Fajardo an pagsirot ha iya.

Samtang hadton Abril 16 han gab-i, naglansar han operasyon haras an BHB-Northern Negros (Roselyn Jean Pelle Command) kontra ha tropa han 79th IB ha Sityo Tub-an, Barangay Marcelo, Calatrava.