Ginpatuman sang Bagong Hukbong Bayan (BHB)-South Central Negros (Romeo Nanta Command) ang rebolusyonaryong hustisya sa pamatbat nga kamatayon sa despotiko nga agalon mayduta kag lider sang armadong grupo nga Alsa Masa nga si Philippine Army 2LT Rodolfo Fajardo (Ret) sadtong Abril 12. Gin-ambus sang hukbo sang banwa si Fajardo sa Barangay Payao, Binalbagan, Negros Occidental.

Ginpatigayon ang pagsilot sandig sa mando sang hukmanan sang banwa sa erya. Napamatbatan siya nga may kasal-anan sang rebolusyonaryong korte sa mga kaso nga malaparan nga pagpang-agaw sang duta, madamo nga isip sang pagpatay, kag grabe nga pagpang-abuso sa gahum. Indi magnubo sa 14 ka mga mangunguma ang ginpatay kag ginpapatay ni Fajardo sa mga serye sang masaker, pagpangsunog kag ekstra-hudisyal nga pagpatay. Nagserbe man siya nga kumander sang detatsment sa Barangay Cansalungon, Isabela sadtong 1985-1986. Gani, malipayon nga gina-abi-abi sang mga pamilya sang mga biktima ni Fajardo ang pagsilot sa iya.

Samtang, sadtong Abril 16 sang gab-i, naglunsar sang operasyon haras ang BHB-Northern Negros (Roselyn Jean Pelle Command) batuk sa tropa sang 79th IB sa Sityo Tub-an, Barangay Marcelo, Calatrava.