Duha nga menor-de-edad ha Northern Samar an pauru-utro nga ginkadto han mga sundalo han 19th IB ha ira balay ha Barangay Paco, Las Navas agud pwersahay nga “pasurenderon” hadton Abril 8. An mga batan-on magbugto nga 17 ngan 15 anyos.

Mga anak hira han parag-uma nga hi Edwar Yanay nga maiha na nga target han militar ha kampanya nga pagpapasurender tungod ha akusasyon nga mayda hiya kalabutan ha rebolusyunaryo nga armado nga kagiusan. Pamaagi an pagpapasurender ha ira agud palutawon an ira amay ngan ha dayuday pasurenderon.

Ginpapakadto han mga sundalo an magbugto ha hedkwarters han 19th IB ha Barangay Opong, Catubig. Ha kahadlok han magurang nga bugto, linayas hiya ha ira balay ha Barangay Paco ngan hasta yana diri matad-an han mga kaurupdan. Labot ha ira, an iba pa nga membro han pamilya Yanay ginhaharas ngan iginpapailarum liwat han 19th IB ha intimidasyon.