Mga parag-uma, nagkampuhan kontra VAT. Naglansar han kampuhan hadton Abril 8-13 an gatus-gatos nga parag-uma, parupangisda, trabahador ha katubuhan ngan iba pa nga sektor tikang ha District 1 han Batangas ha Liwasang Bonifacio ha Manila. Nagprotesta hira ha House of Representatives ha Quezon City ha urhi nga adlaw han kampuhan. Panawagan nira an pagtanggal han value-added tax (VAT) ngan excise tax ha mga produkto nga petrolyo, paghitaas han suhol, ngan paghimubo han presyo han mga nangunguna nga papliton.

Mga taga-Laguna, nagpiket kontra ha mapanhibang nga sanitary landfill. Nagprotesta an mga residente han Barangay Imok, Calauan, Laguna ha Laguna Provincial Capitol hadton Abril 8 agud tipahan an plano han South Luzon Waste Management Corporation nga magtindog han 84.23 kaektarya nga sanitary landfill ha ira komunidad. Igintuman nira an paggios ha adlaw han ispesyal nga sesyon han Sangguniang Panlalawigan diin iginbasura an permit para ha proyekto.

Petisyon kontra pribatisasyon ha Cebu. Gintikangan hadton Abril 11 han magkalain-lain nga sektor ngan grupo ha Cebu City ha pangunguna han Carbon-hanong Alyansa an pangangalap han 100,000 nga pirma kontra ha pribatisasyon han Carbon Public Market. Igsusubmiter ha Cebu City Council an petisyon agud idemanda an usa nga lehislatibo nga pitad ngan pagrebyu ha kasarabutan ha pribatisasyon.

Lider-trabahador ha Davao, panawagan nga ilutaw. Nagprotesta an mga progresibo nga grupo ha Davao City hadton Abril 9 agud utro nga ipanawagan an pagpapalutaw ha desaparesido nga lider-trabahador han Southern Mindanao nga hi William Lariosa. Urhi nga nakit-an hi Lariosa ha Barangay Butong, Quezon, Bukidnon hadton Abril 10, 2024 diin ginsikmit hiya han mga elemento han 48th IB.

Pagpapakuri han IRRI, utro nga ginkundenar. Nagprotesta an mga grupo nga parag-uma ngan kabatan-unan ha atubangan han International Rice Research Institute (IRRI) ha Los Baños, Laguna hadton Abril 13 agud kundenaron an nagpapadayon nga pagpapakuri han institusyon ha mga parag-uma ngan diri makatawo nga paggamit han tuna han unibersidad. Iginselebrar han institusyon an ika-66 katuig nga pagkakatukod hini hadton Abril 4.