Duha ka menor-de-edad sa Northern Samar ang pasulit-sulit nga ginkadtuan sang mga soldado sang 19th IB sa ila balay sa Barangay Paco, Las Navas para pilit nga “pasungkaon” sadtong Abril 8. Ang mga kabataan mag-utod nga 17 kag 15 ka tuig ang pang-edaron.

Sila mga bata sang mangunguma nga si Edwar Yanay nga madugay na nga target sang militar sa kampanya nga pagpasungka tungod sa pasibangod nga may kaangtanan siya sa rebolusyonaryong kahublagan. Pamaagi ang pagpasungka sa ila para palutawon ang ila amay kag pasungkaon.

Ginapakadto sang mga soldado ang mag-utod sa hedkwarters sang 19th IB sa Barangay Opong, Catubig. Sa kahadlok sang magulang nga utod, naglayas siya sa ila balay sa Barangay Paco kag tubtob subong indi makita sang mga himata. Magluwas sa ila, ang iban nga myembro sang pamilya Yanay ginaharas kag ginapaidalum man sang 19th IB sa intimidasyon.