Mga mangunguma, nagkampuhan kontra VAT. Naglunsar sang kampuhan sadtong Abri l8-13 ang ginatos ka mangunguma, mangingisda, mamumugon sa kampo sang katubuhan kag iban pa nga sektor halin sa District 1 sang Batangas sa Liwasang Bonifacio sa Manila. Nagprotesta sila sa House of Representatives sa Quezon City sa ulihi nga adlaw sang kampuhan. Panawagan nila ang pagkakas sang value-added tax (VAT) kag excise tax sa mga produktong petrolyo, pagpasaka sang sweldo, kag pagpanubo sang presyo sang mga nagapanguna nga balaklon.

Mga taga-Laguna, nagpiket kontra mapanghalit nga sanitary landfill. Nagprotesta ang mga residente sang Barangay Imok, Calauan, Laguna sa Laguna Provincial Capitol sadtong Abril 8 agud pamatukan ang plano sang South Luzon Waste Management Corporation nga magtukod sang 84.23-ektaryang sanitary landfill sa ila komunidad. Gintuon nila ang hublag sa adlaw sang ispesyal nga sesyon sang Sangguniang Panlalawigan kon diin ginbasura ang permit sang proyekto.

Petisyon kontra pribatisasyon sa Cebu. Ginsugdan sadtong Abril 11 sang lain-lain nga sektor kag grupo sa Cebu City sa pagpanguna sang Carbon-hanong Alyansa ang pagpangalap sang 100,000 ka pirma batuk sa pribatisasyon sang Carbon Public Market. Ginsumiter sa Cebu City Council ang petisyon para i-demanda ang isa ka lehislatibo nga tikang kag pagrepaso sa kasugtanan sa pribatisasyon.

Lider-mamumugon sa Davao, panawagan nga ipatuhaw. Nagprotesta ang mga progresibong grupo sa Davao City sadtong Abril 9 agud liwat ipanawagan ang pagpatuhaw sa desaparesidong lider-mamumugon sang Southern Mindanao nga si William Lariosa. Ulihi nga nakita si Lariosa sa Barangay Butong, Quezon, Bukidnon sadtong Abril 10, 2024 kon diin gin-abdak siya sang mga elemento sang 48th IB.

Pagpaantus sang IRRI, liwat ginkundenar. Nagprotesta ang mga grupo nga mangunguma kag pamatan-on sa atubang sang International Rice Research Institute (IRRI) sa Los Baños, Laguna sadtong Abril 13 agud kundenaron ang nagapadayon nga pagpaantus sang institusyon sa mga mangunguma kag indi makatawo nga paggamit sang duta sang departamento. Ginsaulog sang institusyon ang ika-66 ka tuig nga pagtukod sini sadtong Abril 4.