Giaresto sa giusang pwersa sa pulis, mga espesyal nga yunit niini ug sa 79th IB ang lima ka indibidwal niadtong Abril 22 sa gabii sa Talisay City, Negros Occidental. Giakusahan sila nga mga Pulang manggugubat sa Bagong Hukbong Bayan (BHB) nga nakaikyas kuno sa nahitabong madugoong masaker sa Toboso niadtong Abril 19.

Gipagawas sa mga pwersa sa estado nga adunay nakuha gikan kanila nga mga armas ug eksplosibo. Usa sa mga giaresto mao si Julie Ann Balora, myembro sa nasudnong konseho sa Unyon ng mga Manggagawa sa Agrikultura. Sa iyang asoy, gibabagan ang ilang sakyanan sa usa ka van nga gisundan sa daghan pa nga ubang sakyanan. Gitiunan sila og pusil ug gimanduan nga monaug, moluhod ug moduko. Sa detensyon, gipailalom sila sa interogasyon nga walay abugado ug nakasinati og pisikal nga pagpanakit.