Kumperensya sa gimbuhatong masa sa kabanikanhan. Napuloan ka mga organisador gikan sa han-ay sa mga mag-uuma, mangingisda, mala-manggagawa, kababayen-an, kabatan-onan ug artista ang mitambong sa gipahigayong kumperensya sa gawaing masa sa kabanikanahan sa usa ka sekretong dapit niadtong Abril. Ubos sa pagpangulo sa PKM, gihisgutan ang mga dokumentong “Hakbang-hakbang na Pag-oorganisa” ug “Pagbubuo ng Organo ng Kapangyarihang Pampulitika” alang sa pagpausbaw sa gimbuhatong rekoberi ug ekspansyon sa rebolusyonaryong kalihukang mag-uuma.

Pangpulitikang pagtuon sa FSMR. Kapin 20 ka myembro sa Partido ug Pulang manggugubat sa BHB ang nakahuman sa mga pagtuon ubos sa kurikulum sa Pambansang Demokratikong Paaralan sa usa ka larangang gerilya sa Far South Mindanao Region (FSMR) niadtong Abril. Nahimo kini taliwala sa focused military operation (FMO) sa pasistang 37th IB ug 57th IB sa erya. Nahimong sentro sa diskusyon ang kaugalingong mga kasinatian, mga kulang, ug kahuyangan sa paglihok sa mga estudyante. Human niini, mas nahimong determinado ang yunit nga moabante sa mas taas nga ang-ang sa pakigbisog.

BKP sa BHB sa Eastern Visayas. Nakalunsad ang BHB-Eastern Visayas og usa ka batch sa pagtuon sa Batakang Kurso sa Partido (BKP) niadtong ulahing bahin sa Marso. Gihimo kini tunga-tunga sa FMO sa 8th ID. Ang malampusong pagtuon nagpakita sa nagdilaab nga determinasyon sa Pulang hukbo nga patas-an ang ilang katakus sa ideolohiya. Pagpakita usab kini sa abilidad sa BHB ug sa baseng masa sa taas nga ang-ang sa pagsekreto ug pagpanalipod sa seguridad sa pagtuon.