Inaresto ti pinagtipon a pwersa ti pulis, dagiti espesyal a yunit daytoy ti 79th IB ti lima nga indibidwal idi Abril 22 ti rabii idiay Talisay City, Negros Occidental. Maak-akusaran isuda a Nalabbaga a mannakigubat ti New People’s Army a nakalibas kano iti napasamak a nadara a masaker idiay Toboso idi Abril 19.

Parparwaren dagiti pwersa ti estado nga adda naala kadakwada nga armas ken pasabog. Maysa kadagiti naaresto ket ni Julie Ann Balora, kameng ti nailyan a konseho ti Unyon ng Manggagawa sa Agrikultura. Iti salaysay na, ti lugan da ket hinarang ti maysa a van a sinaruno ti adu pay a lugan. Tinutukan isuda ti paltog ken minandar a bumaba, agparintumeng ken agdumog. Iti pagbaludan, naipasidong isuda iti interogasyon nga awanan abugado ken nakapadas ti pisikal a panagdangran.