Ika-42 nga People's Cordillera Day
Kapin 1,600 ka mga tawo ang nagtapok sa nagkalain-laing probinsya ug syudad sa Cordillera, ingon man sa gawas sa rehiyon aron saulugon ang ika-42 nga People’s Cordillera Day. Gipahigayon ang mga aktibidad ug panagtapok sa Cordillera People’s Alliance, mga alyadong grupo niini, mga tagasuporta ug grupo nga nanalipod sa katungod sa mga lumad niadtong Abril 22-25.
Gikataho ang mga kalihukan sa Mountain Province, Benguet, Baguio City, Kalinga, Abra, ug Apayao. Adunay mga selebrasyon ug panaghiusa usab sa Metro Manila, Canada, Hong Kong ug US. Ang mga kalihukan adunay kaugalingong mga kinaiya ug mga isyu nga gipasiugda apan gihiusa sa sentral nga tema: Pakigbisogan ang Atong Katungod sa Yuta, Kinabuhi, ug Panginabuhian.
Ika-42 nga People's Cordillera Day
