Maika-42 a People's Cordillera Day
Nasurok 1,600 katao ti nagtitipon iti nadumaduma a prubinsya ken syudad iti Cordillera, kasta met iti ruar ti rehiyon tapno rambakan ti maika-42 People’s Cordillera Day. Dagiti aktibidad ken taripnong ket inyaramid ti Cordillera People’s Alliance, dagiti alyado da a grupo, dagiti sumupsuporta ken grupo a salaknib iti karbengan dagiti katutubo idi Abril 22-25.
Naiyulat dagiti aktibidad idiay Mountain Province, Benguet, Baguio City, Kalinga, Abra ken Apayao. Adda met dagiti selebrasyon ken pannakikaykaysa idiay Metro Manila, Canada, Hong Kong ken US. Tunggal aktibidad ket addaan kabukbukodan a galad ken isyu a naitampok ngem nagkaykaysa iti sentral a tema nga: Ilaban ti Karbengan Tayo iti Daga, Biag ken Pagbiagan.
Maika-42 a People's Cordillera Day
