Masobra usa kabulan na nga waray nakakab-ot nga hustisya an pamilya ngan kaurupdan han parag-uma nga T’boli nga hi Jonathan Kubot tikang han patayon han mga sundalo han 105th IB. Ginpatay hiya han militar hadton Marso 25 ha Sityo Lam-afus, Barangay Lambangan, T’boli, South Cotabato.

Sigon ha report, kahuhuman pa la magsabnit han hagna ni Kubo han makit-an hiya han mga sundalo. Ginsikmit hiya hini, iginpailarum ha tortryur, ngan pwersahay nga ginpaamin nga mangaraway hiya han Bagong Hukbong Bayan (BHB). Ginpatay hiya han waray makuha nga impormasyon tikang ha iya.

Samtang, nakagawas hadton Mayo 9 an duha nga Dumagat nga priso pulitikal nga hira Rocky Torres ngan Abelardo “Dandoy” Avellaneda kahuman han haros walo katuig nga detensyon. Iginbasura han korte an hinimu-himo nga mga kaso han pagpatay ngan illegal possession of firearms and explosives kontra ha ira.

Ginsikmit hira han militar hadton Mayo 14, 2018 ha General Nakar, Quezon, kahuman han usa nga engkwentro ha BHB. Samtang nakapriso, nahiagum an duha han grabe nga tortyur, pisikal nga pangastigo, ngan pagraut han panlawas.