Nasurok makabulanen nga awan pay ti nagun-od a hustisya ti mannalon a T’boli a ni Jonathan Kubot manipud idi papatayen dagiti soldado ti 105th IB. Pinatay isuna ti militar idi Marso 25 idiay Sityo Lam-afus, Barangay Lambangan, T’boli, South Cotabato.

Segun iti ulat, kalkalpas laeng nga agdalus iti kapagayan ni Kubot idi makita isuna dagiti soldado. Pinidot isuna dagitoy, inpasidong iti tortyur, ken pinilit nga umamin nga isuna ket mannakigubat ti New People’s Army (NPA). Pinatay da isuna idi awan ti maala nga impormasyon manipud kenkwana.

Kabayatanna, nakaruk-at idi Mayo 9 ti dua a Dumagat a balud pulitikal a da Rocky Torres ken Abelardo “Dandoy” Avellaneda kalpasan ti dandani walo a tawen a detensyon. Inbasura ti korte dagiti pinarbo a kaso a pammapatay ken illegal possession of firearms and explosives laban kadakwada.

Kinemmeg isuda ti militar idi Mayo 14, 2018 idiay General Nakar, Quezon, kalpasan ti maysa nga engkwentro iti NPA. Bayat a nakabalud, nakapadas ti dua ti nakaro a tortyur, pisikal a panagdangran ken panagdakes ti salun-at.