Nakatanghal an mga armas ngan nakaalsa an kamao han mga rebolusyunaryo nga pwersa ha bug-os nga nasud para ha mga martir han Bagong Hukbong Bayan (BHB) nga namatay hini nga Mayo.

Ha Negros Occidental, napatay ha agway ha 15th IB an lima nga Pula nga mangaraway han BHB-Southwest Negros (Armando Sumayang Jr Command) ha Barangay Abaca, Cauayan hadton Mayo 16. Namartir hira Vince Francis Dingding (Ka Poy/Moymoy), sekretaryo han komite han Partido ha prente, hi Rolando Dantes Jr (Ka Anyo), kumander han BHB-Southwest Negros, hira Jobert Casipong (Ka Robi), Gilbert Tingson (Ka Kolintong/Ka Downy), ngan Alex Languita (Ka Kaya).

Ha rehiyon nga Ilocos-Cordillera, namatay ha kanser an Pula nga mangaraway nga hi Inocencio Sibud (Ka Maki) hadton Mayo 14. Syahan nga narekrut hi Sibud komo membro han yunit han milisya han katawhan ha Barangay Bayao ha Pinukpuk, Kalinga hadton dekada 1980. Nagpadayon hiya ha iya rebolusyunaryo nga buruhaton ngan kumatin han magkalain-lain nga mga buruhaton ha sakob han 37 katuig nga pagseserbe ha BHB.

Gintagan han Partido han pinahitaas nga pagkilala ngan pagdakila an mga martir han hukbo han katawhan nga ginbansagan ini nga “pinakamag-upay nga mga anak han katawhan.”