Napaatras han mga residente han Barangay Imelda, Las Navas, Northern Samar an plano han mga tropa han 20th IB nga magtindog han kampo militar hirani ha ira komunidad. Mahugot ini nga gintipahan han mga residente ha usa nga asembleya hadton Marso.

Plano nga itindog an kampo ha usa nga bulod nga waray pa 50 metros an distansya ha urhi nga balay ha usa nga sityo. Sigon ha mga residente, sukwahi ini ha igintatalaan han internasyunal nga matawo nga balaud nga minimum nga distansya nga 500 metros tikang ha komunidad han mga sibilyan.

Ha asembleya, patag-usa nga nakig-agaway han mikropono an mga residente tikang ha mga sundalo para magpahayag han pagtipa ha kampo. Ha urhi, tutulo nga residente la an “tinugot” ha pagtitindog.

Ha luyo hini, nagkakampo pa gihap an mga armado nga tropa ha balay han mga sibilyan ha baryo. Iginpadayon gihap hini an pagtitindog han kampo ha gawas han barangay kundi hirani pa gihap ha aragian tikadto ha bungto.