Nagtirok an magkalain-lain nga grupo ha Welcome Rotonda ha Quezon City hadton Mayo 15 komo pakig-usa ha paghandum han katawhan Palestino ha ika-78 nga anibersaryo han Al Nakba. Iginpapanawagan nira an katalwasan han Palestine tikang ha madarahug nga okupasyon han Zionista nga Israel. Ginpangunahan an paggios han Philippines-Palestine Friendship Association. Dara-dara han mga nagprotesta an mga bandera han Palestine ngan mga plakard nga nagpapahayag han suporta ha mga Palestino.

Palayason an mga sundalo nga Israeli. Nanawagan han hustisya ngan baratunon an mga residente han General Luna ha Siargao Island ha Surigao del Norte kahuman an serye han mga krimen ngan kamadarahug kontra ha ira han mga sundalo nga Israeli nga nagsarang ha isla. Nagtirok hira ha usa nga miting kaupod an mga lokal nga upisyal, pulis, mga tag-iya han negosyo ngan iba pa nga sektor hadton Mayo 12 agud talakayon an susrunod nga mga insidente han kamadarahug, pansasamok ngan pambabastos han mga sundalo nga Israeli ha Isla.

Pinakaurhi, an pinakagrabe, an pangatake han usa nga grupo han mga Israeli ha Cartoon Café ha General Luna hadton Mayo 11. Sigon ha mga report, gin-atake han mga sundalo an establisyemento kahuman makit-an an usa nga bandera han Palestine nga nakasab-ong ha gawas hini. Iginreport nga ginhibang han mga sundalo an mga CCTV camera ngan pisikal nga ginkastigo an mag-asawa nga tag-iya han negosyo, ha atubangan han ira gudti nga anak. Ini nga mga sundalo nahireport nga bag-o nga gawas pala ha “serbisyo” ha gerra nga henosidyo nga ginhihimo han Zionista nga estado kontra ha Palestine.