Napaatras dagiti residente ti Barangay Imelda, Las Navas, Northern Samar ti plano dagiti tropa ti 20th IB nga agitakder ti kampo militar asideg iti komunidad da. Nainget a sinupyat daytoy dagiti residente iti maysa nga asembliya idi Marso.

Ti kampo ket plano a maitakder iti maysa a turod nga awan pay 50 metro kaadayo iti maudi a balay iti maysa a sityo. Segun kadagiti residente, kaniwas daytoy iti itudtuding ti internasyunal a makatao a linteg a minimum a distansya a 500 metro manipud iti komunidad dagiti sibilyan.

Iti asembliya, maysa-maysa a nakiinnagaw ti mikropono dagiti residente manipud kadagiti soldado tapno agiyebkas ti panagsupyat iti kampo. Kamaudyan na, taltallo laeng a residente ti “immanamong” iti panangitakder.

Iti laksid daytoy, agkamkampo latta dagiti armado a tropa iti balay dagiti sibilyan iti baryo. Intuloy da met ti panangitakder ti kampo iti ruar ti barangay ngem asideg latta iti dalan agturong iti ili.