Nakatag-ay dagiti armas ken gemgem dagiti rebolusyonaryo a pwersa iti intero a pagilyan para kadagiti martir ti New People’s Army (NPA) a pimmusay daytoy Mayo.

Idiay Negros Occidental, napatay iti labanan iti 15th IB ti lima a Nalabbaga a mannakigubat ti NPA-Southwest Negros (Armando Sumayang Jr Command) iti Barangay Abaca, Cauayan idi Mayo 16. Namartir da Vince Francis Dingding (Ka Poy/Moymoy), kalihim ti komite ti Partido iti larangan, ni Rolando Dantes Jr. (Ka Anyo), kumander ti NPA-Southwest Negros, DA Jobert Casipong (Ka Robi), Gilbert Tingson (Ka Kolintong/Ka Downy) ken Alex Languita (Ka Kaya).

Iti rehiyon Ilocos-Cordillera, natay iti kanser ti Nalabbaga a mannakigubat a ni Inocencio Sibud (Ka Maki) idi Mayo 14. Umuna a narekrut ni Sibud kas kameng ti yunit ti milisyang bayan iti Barangay Bayao idiay Pinukpuk, Kalinga idi dekada 1980. Nagtuloy iti rebolusyonaryo a rebbengen na ken nagakem ti nadumaduma a trabaho iti unos ti 37 tawen a panagserbi iti NPA.

Inpaayan ti Partido ti kangatwan a pammigbig ken pammadayaw dagiti martir ti hukbo ti umili nga inawagan daytoy a “kasasayaatan nga annak ti umili.”