Sadtong Hunyo 12, gintukod sang kababaehan sa Central Negros ang lokal nga tsapter sang Makabayang Kilusan ng Bagong Kababaihan (Makibaka). Natigayon ang pagtililipon sa isa ka erya sa larangan gerilya sa tunga sang masingki nga operasyon militar.

Nagpakilala ang taghambal sang Makibaka-Central Negros nga si Ka Inday Gemodo, bilang pagpasidungog kag pagsaludo sa Pulang hangaway sang BHB-Central Negros nga si Juliana Arculo Gemodo, 63, nga namartir sadtong Enero. Naghalad sang 21-gun salute ang BHB para kay Gemodo kag iban pa nga martir. Naghalad man sila sang mga kanta kag pamulong-pulong. Nagsumpa ang kababaehan sang Central Negros nga magpursige kag usoyon ang banas nga gin-usoy ni Gemodo bilang isa ka rebolusyonaryo.