Madinalag-on nga napalayas sadtong Hunyo 2 sang mga residente sang Sityo Green Valley, Barangay Nalus, Kiamba, Sarangani ang tropa sang 105th IB nga pila ka bulan na nga nagakampo kag nagalunsar sang kontra-insurhensyang Retooled Community Support Program (RCSP) sa ila komunidad. Lapas sa internasyunal nga makatawo nga layi ang pagkampo sang militar sa sentro sang barangay.

Ululupod nga naghulag ang mga residente kag naghimo sang tikang para mapalayas ang mga soldado. Lakip sa ginhimo sang mga residente ang ululupod nga paghalin sa sentro sang barangay para magtiner sa ubos nga bahin sang komunidad. Ginlapas man nila ang mga mando sang mga soldado kaangay sang pagpabakal sang suplay, pagsag-ob sang tubig kag iban pa. Kaupod sa mga aksyon nga ini ang mga lider sang sityo kag pila ka opisyal sang barangay.

Nagserbe nga kumander sang 105th IB si Lt. Col. Erikzen Dacoco nga gintalana sadto lang Pebrero. Ang batalyon masobra tatlo ka tuig pa lang halin sang ginbug-os sa idalum sang 6th ID sadtong Pebrero 2023.