Niadtong Hunyo 12, gitukod sa kababayen-an sa Central Negros ang lokal nga tsapter sa Makabayang Kilusan ng Bagong Kababaihan (Makibaka). Gipahigayon ang tigum sa usa ka erya sa natarang gerilya taliwala sa grabeng operasyong militar.

Nagpaila ang tigpamaba sa Makibaka-Central Negros nga si Ka Inday Gemodo, isip pagpasidungog ug pagsaludo sa Pulang manggugubat sa BHB-Central Negros nga si Juliana Arculo Gemodo, 63, kinsa namartir niadtong Enero. Naghalad og 21-gun salute ang BHB alang kang Gemodo ug uban pang mga martir. Naghalad usab sila og mga kanta ug padayag. Nisaad ang kababayen-an sa Central Negros nga magpadayon ug subayon ang dalan nga giagian ni Gemodo isip usa ka rebolusyonaryo.