Balligi a napatalaw idi Hunyo 2 dagiti residente ti Sityo Green Valley, Barangay Nalus, Kiamba, Sarangani ti tropa ti 105th IB a mano a bulanen a nakakampo ken agisaysayangkat ti kontra-insurhensya a Retooled Community Support Program (RCSP) iti komunidad da. Labsing iti internasyunal a makatao a linteg ti panagkampo ti militar iti sentro ti barangay.

Sangsangkamaysa a nagtignay dagiti residente ken nagaramid da kadagiti addang tapno mapapanaw dagiti soldado. Kabilang iti inaramid da ti sangsangkamaysa a panagpanaw iti sentro ti barangay tapno agnaed iti makinbaba a paset ti komunidad. Sinupring da met dagiti mandar dagiti soldado kas ti panagpagatang ti suplay, panagsakdo ti danum ken dadduma pay. Karaman kadagitoy a tignay dagiti lider ti sityo ken sumagmamano nga upisyal ti barangay.

Agserserbi a kumander ti 105th IB ni Lt. Col. Erikzen Dacoco a naipwesto idi laeng Pebrero. Ti batalyon ket nasurok tallo a tawen pay laeng manipud idi nabukel iti sidong ti 6th ID idi Pebrero 2023.