Gikumbinang operasyong haras, demolisyon ug punitibo ang gihimo sa Bagong Hukbong Bayan (BHB)-Masbate (Jose Rapsing Command) sulod sa siyam ka adlaw aron ig-on ang giusang pwersa sa militar, pulis ug mga CAFGU.

Niadtong Marso 24, gipabusikaran sa mga Pulang manggugubat ang detatsment sa CAFGU sa Barangay Manlut-od, Placer. Duha ang namatay ug duha ang nasamdan sa mga pasista.

Niadtong Marso 22, usa ka operasyong haras ang gipahigayon sa Pulang hukbo sa usa sa mga hedkwarters sa militar sa Barangay Estampar, Cataingan. Gipabuthan usab sa mga Pulang manggugubat ang tropa sa militar nga nagpahulay sa Barangay San Vicente, Dimasalang niadtong Marso 15.

Niadtong Marso 17, giparalisa sa BHB-Masbate ang usa ka mixer truck sa Barangay Santa Cruz, Placer nga gipanag-iya sa usa ka kumpanya sa konstruksyon tungod sa paglapas sa mga lagda sa rebolusyonaryong kalihukan.

Sa Bukidnon, gipahamtangan og sangsyon sa BHB ang usa ka negosyanteng mangingilog og yuta sa Barangay Siloo, Malitbog niadtong Abril 5. Gisunog sa Pulang hukbo ang usa ka bilding ug makina nga gigamit sa pagproseso sa balanghoy nga gibanabanang nagkantidad og ₱3 milyon. Nakumpiska usab sa hukbo ang usa ka pusil ug duha ka radyo.

Aktibong depensa. Sa Camarines Sur, duha ka beses nga nakadepensa ang BHB-West Camarines Sur (Norben Gruta Command) sa pag-atake sa mga sundalo sa 81st IB ug 16th IB niadtong Pebrero 23 ug 24 sa Ragay. Dili moubos sa 11 ka sundalo ang napatay ug pito ang nasamdan. Namartir ang Pulang manggugubat nga si Angelo “Ka Kim” San Diego.

Sa Negros Occidental, nakadepensa usab ang yunit sa BHB-Northern Negros (Roselyn Jean Pelle Command) batok sa pag-atake sa 79th IB niadtong Marso 18 sa Barangay General Luna, Toboso. Tulo ka sundalo ang gi-report sa 79th IB nga nasamdan sa panagsangka apan gibanabana nga mas daghan pa ang kaswalti.