Gidagit ug gisakay sa van sa mga myembro sa 96th Military Intelligence Company (MICO) sa 9th ID ang usa ka residente ug mag-uuma sa Barangay Cabangcalan, Placer, Masbate niadtong Marso 29, alas-6 sa buntag. Naila ang biktima nga si Junior Tuling, 56 anyos.

Kanhi nang biktima sa pugos nga “pagpasurender” sa militar si Tuling. Niadtong 2021, pugos siyang “gipasurender” sa mga sundalo atol sa gilunsad nga Retooled Community Support Program (RCSP). Sa Masbate, daghan na ang susama ni Tuling nga “misurender” ug ginapig-ot sa mga sundalo human mibalibad nga magpagamit sa militar isip ahente sa paniktik o mag-CAFGU.

Nanawagan og tabang ang pamilya ug paryente ni Tuling aron sutaon ang iyang gikahimutangan. Hangyo nila nga masilutan ang mga berdugong militar ug mahatagan og hustisya ang biktima. Nanawagan sila sa lokal nga upisyal sa barangay nga molihok ug maghimo og mga lakang aron kaplagon ang biktima ug siguruhon ang iyang kaluwasan.

Sa usa ka bulag nga insidente niadtong Marso 27, binugbog ng mga tauhan ng 96th MICO si Totong Cuyos, mag-uuma ug residente sa Barangay Cabrera, Dimasalang. Liban dito, nataho sa ikaduhang distrito sa Masbate ang kaylap nga pagpangawat sa militar sa mga sibilyan nga ginapagawas nga binuhatan sa Bagong Hukbong Bayan.

Pag-aresto. Sa Quezon, giaresto sa 85th IB ug mga pulis ang mga sibilyan nga silang Darwin Palo ug Jay-Ar Molantes sa Lucena Grand Terminal, Lucena City niadtong Marso 27. Moadto unta ang mga biktima sa Bulacan aron didto magtrabaho.

Si Palo, mag-uuma gikan sa lungsod sa Lopez sa Quezon, ang giakusahan sa mga pulis nga usa sa mga “most wanted” nga kriminal sa rehiyon sa Calabarzon. Matud nila, nag-atubang si Palo sa unum ka patung-patong nga kaso lakip ang dinaghang sulayng pagpatay ug paglapas sa Anti-Terrorism Act of 2020. Giakusahan usab siyang kolektor sa BHB-Quezon alang sa ginasulting “permit-to-campaign” karong eleksyong 2025. Samtang, wala gitaho sa mga pulis ang pagkadakop kang Molantes.

Pekeng pagpasureder. Subling gipagawas sa mga pulis sa Cebu nga “misurender” kanila ang usa ka 25-anyos nga lalaking mag-uuma nga residente sa Barangay Bonbon, Aloguinsan, Cebu niadtong Marso 28. Gipagawas sa mga pulis nga siya “suporter sa BHB.” Matud sa mga residente sa Barangay Bonbon, kung asa adunay pakigbisog alang sa yuta ang San Roque Farmers Association, kanhi nang ginapagawas nga “misurender” ang maong mag-uuma.

Samtang, giadtuan sa mga sundalo sa 31st Civil Military Operations (CMO) ang balay sa tsirman sa San Roque Farmers Association (SRFA) sa Barangay Bonbon niadtong Marso 11. Giharas ug gihadlok sa pito ka sundalo si Pio Del Rosario aron pugngan siya sa pagkundena ug pagbutayg sa militarisasyon ug pagyatak sa ilang komunidad.