Gimakmak sa rebolusyonaryong kabatan-onan ang bag-ohay nga pamahayag sa pasistang National Task Force-Elcac kalabot sa serye sa mga aktibidad nga gihimo sa KM sa Metro Manila, ilabina sa mga unibersidad, aron saulugon ang ika-56 nga anibersaryo sa Bagong Hukbong Bayan.

Ginatarget karon sa ahensya ang mga institusyong pang-edukasyon ilalum sa pagpanalipud sa akademikong kagawasan.

Matud ni Ka Maria Laya Guerrero, nasudnong tigpamaba sa KM, dili magtunhay ang akademikong kagawasan kung ginapig-ot ang mga pagtuon ug diskusyon sulod sa unibersidad ug dayag nga pagpanumpo sa mga estudyante, organisasyon ug mga administrador ang tuyo sa NTF-Elcac nga “imbestigahan” ang mga unibersidad. Sama sa nangagi, sigurado nga targeton sa ahensya ang mga ligal nga organisasyong masa ug institusyon.