Napalagpot sa poder si South Korean President Yoon Suk Yeol niadtong Abril 4 human giaprubahan sa Constitutional Court ang impeachment kaniya sa parlamento niadtong Disyembre 14, 2024. Naggikan kini sa pagdeklara ni Yoon og balaod militar niadtong Disyembre 3, 2024, nga ginaila isa usa ka sulayng kudeta.

Tungod kay napalagpot na sa pagkapresidente, mamahimo nang mag-atubang sa dugang nga mga kasong kriminal si Yoon. Samtang, gikinahanglang makalunsad og espesyal nga eleksyon sa South Korea sulod sa 60 ka adlaw.

Ang desisyon sa korte gikasadya sa minilyong katawhang misalmot sa mga protesta sa kalsada. Ingonman, nanawagan ang Korean Confederation of Trade Unions (KCTU) ug Nodutdol, grupo sa mga Korean nga nakabase sa US, sa makanunayong protesta sa katawhang Korean alang hingpit nga demokrasya sa nasud ug pagpalagpot sa okupasyon sa US ug pagtapos sa kapitalistang pagpangdaugdaug sa ilang nasud.