Naglunsar sang lain-lain ga aktibidad ang mga organisasyon nga kabahin sang National Democratic Front (NDF) sa mga syudad kag sentrong banwa bilang pagsaulog sa ika-56 nga anibersaryo sang Bagong Hukbong Bayan (BHB) sadtong Marso 29. Ginhatagan sang pagsulodo nila ang mga Pulang hangaway kag kumander sang BHB sa ila wala nagakatay-og nga rebolusyonaryong espirito sa pagsulong sang armadong paghimakas sa kaumhan.

Sa Manila, nagkasa sang raling-pakilat ang kapin sa 60 ka katapo sang Kabataang Makabayan (KM) sa Earnshaw Avenue, Sampaloc sadtong Marso 31. Bitbit sang mga katapo sang KM ang mga laragway nila Kaupod Jose Maria Sison, Kaupod Benito Tiamzon kag Kaupod Wilma Austria-Tiamzon. Ginpasidunggan nila ang tatlo, puluan ka madamo nga iban pa, nga nagtugyan sang ila kabuhi kag naghalad sang panahon para sa pagsulong sang rebolusyon Pilipino.

Sadtong Marso 30, isa ka martsa ang ginlunsar sang KM, Liga ng Agham para sa Bayan, Katipunan ng mga Gurong Makabayan, Revolutionary Organization of Lumads, Cordillera People’s Democratic Front, kag Katipunan ng mga Samahang Manggagawa sa sulod sang University of the Philippines-Diliman sa Quezon City.

May yara man sang malip-ot nga programa ang KM-Kira Mindoro sa sulod sang Polytechnic University of the Philippines (PUP)-Manila sadtong Marso 29. Bitbit nila ang isa ka dako nga balatengga, kag mga bandera sang Partido, BHB kag sang NDF nga ila ginsab-it sa ikaapat kag ikalima nga panalgan sang bilding sa kampus pagkatapos sang programa.

Wala-tuo man ang operasyon-dikit kag operasyon-pinta sang mga rebolusyonaryong organisasyon para sa anibersaryo. Nakita ang mga pinta, poster, istiker kag iban pa nga gin-obra nga arte sang KM sa PUP-Manila, De La Salle University-Manila, College of Saint Benilde kag Rizal Avenue sa Manila.

Nagpinta man kag nagpangtapik sang mga poster ang Christians for National Liberation sa dalanon sang Aurora Boulevard Extension sa Quezon City. Ginlunsar man sang KM-SMR ang pagpangtapik sang mga pahayag kag istiker sa mga unibersidad sa rehiyon sang Davao, balwarte sang mga Duterte.

Nagpaguwa man sang pahayag ang lain-lain nga pang-rehiyon nga tsapter sang NDF kag mga organisasyon sa idalum sini agud tamyawon ang anibersaryo sang BHB. Subongman, nagtamyaw sa anibersayo ang pila ka internasyunal nga mga partido kag organisasyon lakip ang Friends of the Filipino People in Struggle, Cairde na Filipínigh Committee sang Anti-Imperialist Action Ireland kag Communist Party of Australia (Marxist-Leninist).