Ginbweltahan sang rebolusyonaryong pamatan-on ang sini lang pahayag sang pasistang National Task Force-Elcac angot sa serye sang mga aktibidad nga ginpatigayon sang KM sa Metro Manila, ilabi na ang sa mga unibersidad, agud saulugon ang ika-56 nga anibersaryo sang Bagong Hukbong Bayan.

Gina-target subong sang ahensya ang mga institusyon pang-edukasyon sa tabon sang pagpangapin sang akademikong kahilwayan.

Suno kay Ka Maria Laya Guerrero, pungsodnon nga tagpamaba sang KM, indi magluntad ang akademikong kahilwayan kon gina-ipit ang mga pagtuon kag talakayan sa sulod sang eskwelahan kag lubos nga pagpang-ipit sa mga estudyante, organisasyon kag mga administrador ang plano sang NTF-Elcac nga “imbestigahan” ang mga unibersidad. Pareho sang nagligad, segurado nga targeton sang ahensya ang mga ligal nga organisasyon masa kag institusyon.