Binuweltaan ti rebolusyonaryo a kabataan ti pablaak ti National Task Force-Elcac itay nabiit kanaig ti serye dagiti aktibidad nga inpatungpal ti KM iti Metro Manila, nangruna kadagiti unibersidad, tapno rambakan ti maika-56 anibersaryo ti New People’s Army.

Punpuntiryaen tatta ti ahensya dagiti institusyon a pang-edukasyon iti linged ti panangsalaknib iti akademiko a wayawaya.

Segun ken Ka Maria Laya Guerrero, nailyan a tagapagsarita ti KM, saan nga agraira ti akademiko a wayawaya nu maliplipit dagiti panagadal ken diskusyon iti uneg ti unibersidad. Kunana pay a ti plano ti NTF-Elcac nga “imbestigaran” dagiti unibersidad ket agdadata a panagikuspil kadagiti estudyante, organisasyon ken dagiti administrador. Kas iti napalabas, sigurado a puntiryaen ti ahensya dagiti legal nga organisasyon ti masa ken dagiti institusyon.