Ginbweltahan han rebolusyunaryo nga kabatan-unan an diri pala maiha nga pahayag han pasista nga National Task Force-Elcac kasumpay han serye han mga aktibidad nga ginhimo han KM ha Metro Manila, labina an ha mga unibersidad, agud igselebrar an ika-56 nga anibersaryo han Bagong Hukbong Bayan.

Gintatarget yana han ahensya an mga pan-edukasyon nga institusyon ha tahub han pagdepensa ha pan-akademiko nga kalibrihan.

Sigon kan Ka Maria Laya Guerrero, nasyunal nga tagapagyakan han KM, diri makakaeksister an pan-akademiko nga katungod kun gin-gigipit an mga edukasyon ngan diskusyon ha sakob han unibersidad ngan butaray nga panmuypoy ha mga estudyante, organisasyon ngan mga administrador an plano han NTF-Elcac nga “imbestigahan” an mga unibersidad. Sugad han naglabay, segurado nga tatargeton han ahensya an mga ligal nga panmasa nga organisasyon ngan institusyon.