Ginpatalsik ha poder hi South Korean President Yoon Suk Yeol hadton Abril 4 kahuman padig-unon han Constitutional Court an impeachment ha iya han parlamento hadton Disyembre 14, 2024. Nagtikang ini ha pagdeklara ni Yoon han balaud militar hadton Disyembre 3, 2024, nga iginkunsidera nga usa nga gin-atentar nga kudeta.

Tungod kay napatalsik na ha pagkapresidente, poyde na nga umatubang ha kadugangan nga mga kriminal nga kaso hi Yoon. Samtang, ginkikinahanglan nga makaglansar hin ispesyal nga eleksyon ha South Korea ha sakob han 60 kaadlaw.

Iginselebrar an desisyon han korte han milyun-milyon nga katawhan nga pinartisipar ha mga protesta ha kakalsadahan. Sugadman, nanawagan an Korean Confederation of Trade Unions (KCTU) ngan Nodutdol, grupo han mga Korean nga nakabase ha US, han dirudiretso nga paggios han katawhan nga Korean para ha hul-os nga demokrasya ha nasud ngan pagpapatalsik ha okupasyon han US ngan pagtangpos ha kapitalista nga pangunguripon ha ira nasud.