“Diri makatadungan ngan diri makarukarawat” an kumpirmasyon han Court of Appeals (CA) ha desisyon han korte kontra ha Talaingod 13, sigon ha mga grupo nga tagdepensa han mga katungod han mga minoriya, mga tawhanon nga katungod, abugado ngan iba pa. Ginsentensyahan han korte an Talaingod 13 ha kaso nga “child abuse” hadton Hulyo 15, 2024. Ginkumpirma ini nga desisyon han CA ha Cagayan de Oro hadton Disyembre 16. Hadton Enero 6, nagsalawad han motion for reconsideration ha CA na Talaingod 13 agud ayaton ini nga kumpirmasyon.

An Talaingod 13 mga membro han delegasyon nga nagreskyu ha mga magturutdo ngan estudyante nga Lumad ha Talaingod, Davao del Norte hadton Nobyembre 28, 2018. Ginkokomponer ini nira hadto anay Bayan Muna Rep. Satur Ocampo, ACT Teachers Rep. France Castro, Ma. Eugenia Victoria Nolasco ngan siyam pa nga hadto anay mga magturutdo.

Sigon ha mga minoriya, an diri makatadungan nga desisyon kontra ha Talaingod 13 direkta nga atake mismo ha ira. Kaparte ini han mas hiluag nga estratehiya han estado nga pamingawon an mga nasuporta ha pakigbisog han mga minoriya.

“Waray bata ngan waray kag-anak nga nagreklamo. Waray kahibangan nga napamatud-an, kundi ginsentensyahan an mga magturutdo,” sigon kan hadto anay Rep. Eufemia Cullamat.