Madinaugon nga iginselebrar ha sakob han mga sona gerilya han Mindoro an ika-57 nga anibersaryo han Partido Komunista ng Pilipinas (PKP) ha butnga han waray hunong nga operasyon han mga tropa han 203rd IBde ngan pulis. Ha pangunguna han mga yunit han Bagong Hukbong Bayan-Mindoro (Lucio de Guzman Command), nahilansar an mga miting-anibersaryo ha tema han pahayag han Komite Sentral nga “Maupay gud an sitwasyon agud dugang nga ipasulong an demokratiko nga rebolusyon han katawhan.”

Ha bug-os nga 2025, gin-atuhan han BHB-Mindoro ngan katawhan Mindoreño an grabe nga kontra-rebolusyunaryo nga gerra ha isla. Makapira kabeses nga igindeklara han 203rd IBde ngan bisan han 2nd ID nga rurumkon hini an rebolusyunaryo nga kagiusan ha Mindoro hadton 2025.

Liningi an mga rebolusyunaryo nga pwersa ha maranggat nga kasaysayan han Partido ngan han madinaugon nga pamumuno hini ha rebolusyon Pilipino ha sakob han 57 katuig. Ha usa nga pahayag, iginreport han tagapagyakan han BHB-Mindoro nga hi Ka Madaay Gasic nga ha diwa han pagtutul-id ngan giya han Partido naabot han yunit ngan utro nga nagiusan an 84% han mga bungto ha isala ngan signipikante nga ihap han mga baryo.

Miting-selebrasyon

Gintalakay ha ginhimo nga miting-anibersaryo an pankalibutan ngan nasyunal nga sitwasyon, kasaysayan han Partido, mga istorya ngan kadaugan han rebolusyon agraryo ha Mindoro, ngan an mga ayat, panawagan ngan dagmit nga buruhaton para ha pagpapakusog han rebolusyunaryo nga kagiusan.

Ginparayhak ini nga mga miting han mga pankultural nga pasundayag sugad han awit-galaw han “An Giya,” balagtasan nga “An Tinuod nga Hukbo han Katawhan,” drama nga nagpapakita han matag-adlaw nga pakigbisog han masa ngan paghangkop nira ha rebolusyon ngan an dudrungan nga pagsayaw ha kanta nga “Kun Walay BHB.”

Ginpasidunggan gihap ha mga programa an mga martir han rebolusyon Pilipino kaupod an mga bag-o nga bayani nga naghalad han ira kinabuhi hadton nakalabay nga tuig.

Tinambong ha mga selebrasyon an mga masa nga parag-uma ngan minoriya nga Mangyan, mga lokal nga panmasa nga aktibista, ngan mga binisita tikang ha syudad.

Usa kabulan nga pangandam

Bug-os nga bulan han Disyembre, iginselebrar han mga rebolusyunaryo nga pwersa an anibersaryo han Partido. Ha mga yunit han BHB, nagkamayda han pasiuna nga mga aktibidad sugad han mga pankultural nga aktibidad ngan sinemana nga kapihan. Hadto Disyembre 26, 2025 mismo ginhimo an pagpalaypakay han bandera han Partido kaupod an masa.

Komo paghaum ha sitwasyon militar ngan sûso nga iskedyul han produksyon, ginbug-os han mga yunit an plano para ha mga dinagmit ngan tinaggudti nga mga miting-anibersaryo nga iginlalansar kan-o man ngan diin man libre an taghimaryo. Mayda usa nga yunit nga naglansar han miting-anibersaryo ha gin-agian nga balay samtang aada ha kalakat tikang ha usa nga dako nga katitirok. Natukod dinhi an lokal nga panmasa nga asosasyon.

Naghatag naman an usa pa nga yunit han BHB han pagpapahiara ha mga residente ha usa nga militarisado nga erya. Baton ini ha hangyo nira nga magkamayda han kapas nga depensahan an ira kalugaringon kontra ha nag-ooperasyon nga mga sundalo ngan mga ahente ha paniktik nga agsub ha erya.

Paghangkop han masa ha rebolusyunaryo nga tinguha

Diri magigin madinaugon an bug-os nga bulan han pagselebrar han anibersaryo han Partido kun waray an mapaso ngan hukas-ha-kasingkasing nga pagsuporta han masa ha tinguha han Partido. Binulig hira ha mga aktibidad tikang ha pagluluto han mga handa, pag-aalog, pagseguro han seguridad, pagdul-ong ngan pagtapo ha mga binisita ha sona nga gerilya ngan aktwal nga pagpartisipar ha programa.

“Diri maseseguro an kadaugan han rebolusyon kun diri magigin maisugon ha buruhaton masa,” pahayag ni Ka Ruffa, kagawad han usa nga yunit han BHB. Malipayon nga nagsaro an molupyo ngan hukbo ha guti nga handa nga karne han manok, pansit, ispageti ngan biko.

“Nagdesisyon ako nga pahilawigon an integrasyon ko ha yunit tungod kay napukaw ako ha hukas-ha-kasingkasing nga dedikasyon han Hukbo ha pag-oorganisa ngan pagpapauswag ha kinabuhi han masa,” sigon kan Ka Elias, usa nga batan-on nga bisita.