Ha diri pala maiha nga report han Bagong Hukbong Bayan (BHB), nakapaglansar han operasyon nga haras an mga yunit hini ha South Cotabato ngan Negros Oriental hadton urhi nga kwarter han 2025.

Ginpabuthan han BHB-South Cotabato an tropa han 105th IB ha Sityo Kangko, Barangay Lamlahak, Lake Sebu, South Cotabato hadton Disyembre 11, 2025 han ala-12:50 han kaagahon. Pito kabulan na nga nagkakampo ngan nag-ooperasyon an militar ha nasering nga barangay.

Ha Negros Oriental, dagmit nga nagresponde ngan gin-atake han BHB-Central Negros (Leonardo Panaligan Command) an tropa han 62nd IB nga waray wantas nga nangistraping ha usa nga sibilyan ha Barangay Trinidad, Guihulngan City, Negros Oriental hadton Nobyembre 21, 2025. Sigon ha report, alas -10 han aga tigda na la nga ginpanmusil han lima nga sundalo han 62ND IB an parag-uma nga hi Rene Nellas ha Sityo Columbia samtang aada ha iya uma. Talwas nga nakadalagan hi Nellas.

Diri aram han militar, mayda yunit han BHB-Central Negros nga hirani ha lugar. “Pakabati han mga Pula nga mangaraway ha bubtuhay, layon hira nga nagmaniobra ngan ginharas an lima nga tropa han pasista nga sundalo,” sigon kan Ka JB Regalado, tagapagyakan han BHB-Central Negros.