Madinaugon nga nahilansar hadton Oktubre 2025 ha US an pagtutukod han Christians for National Liberation-Compatriots (CNL-Compatriots). An tsaper an pinakasyahan nga sub-sektor ha ilarum han Compatriots nga naglansar han pankalibutan nga asembleya.

Nagtirok ha asembleya an aada ha 120 nga lider relihiyoso tikang ha magkalain-lain nga tsapter ngan selula han CNL-Compatriots, ngan mga tag-obserbar tikang ha Comptriots-National Democratic Front, Kabataang Makabayan-Compatriots, Makibaka-Compatriots ngan iba pa. Naglansar liwat han kadungan nga katitirok ha magkalain-lain nga nasud an mga tsapter han CNL-Compatriots.

Ha katitirok, gintalakay an nahitabo nga kongreso han Compatriots hini nga tuig ngan an nagin pag-uswag han rebolusyunaryo nga kagiusan ha ranggo han mga migrante nga Pilipino. Naghatag liwat han pahayag an lider han CNL ha Pilipinas. Gin-adman ngan gintalakay dinhi an mga dokumento han organisasyon, kalakip an oryentasyon, programa, tulo-katuig nga programa, ngan kampanya. Naglansar gihap han eleksyon ngan nagbug-os han komite nga tagapagpatuman an konseho ha balitang han tsapter ngan pankalibutan.