Nagiyebkas ti sipupuso a pannakipagladingit ti National Democratic Front (NDF)-Mindoro iti pamilya, gagayyem ken ingunguten iti biag ni Jerlyn Rose Doydora kalpasan a pimmusay idi inatake ti sakit na gubway ti narungsot a panagbomba ti Armed Forces of the Philippines (AFP). Ni Chantal Anicoche, maysa a kabataan nga agsuksukisok ket napukaw idi naisina kadagiti kakadwa na kabayatan ti panagbomba. Napasamak ti panagbomba idiay Sityo Mamara, Barangay Cabacao, Abra de Ilog, Occidental Mindoro idi Enero 1.

Ni Doydora ket paset tigrupo tikabataan a nangipadanon ti tarigagay a makainnuman dagiti katutubo ken mannalon idiay Mindoro kasta met kadagiti Nalabbaga a mannakigubat ti New People’s Army (NPA). Kayat da nga amwen ti kongkreto a kasasaad ti masa, ti makagapu iti armado a risiris ken ti pudno a solusyon tapno magun-od ti kapya. Inwardas ti NDF-Mindoro ti panangpasangbay kadagiti bisita idiay Abra de Ilog sakbay ti baro a tawen. NiDoydora ketestudyante tiPamantasan ng Lunsod ng Maynila. Ni Anicoche ket nagturpos itiUniversity of Maryland, Baltimore County idiayUS.

Pimmusay met iti panagbomba ti tallo nga ubbing a Mangyan-Iraya bayat a nasugatan ti ina da. Naperdi ti pagbiagan dagiti katutubo ken mannalon iti komunidad. Natay iti bomba dagiti taraken da nga ayup, kabilang ti dua a baka ken tallo a baboy.

Napilitan met ti 188 pamilya nga agbakwit iti Cabacao High School gapu iti nakaro a militarisasyon. Malaksid ditoy, adda ti 15 a pamilya a temporaryo a makidagdagus kadagiti asideg a kakabagyan da.

Iti kabuklan, 12 a bomba ti intennag ti AFP manipud iti uppat nga attack helicopter iti panagraut a pimmaut iti tallo nga oras. Kalpasan ti panagbomba ket nagis-istraping da pay iti lugar. Daytoy ket bin-ig a panaglabsing iti internasyunal a makatao a linteg a mangipapaay ti kangatwan a panangsalwad iti biag ken pagbiagan dagiti sibilyan.

Iti tengnga ti ginasut a tropa nga inbukbok ti AFP, aktibo a nakadepensa ti yunit nga adda iti lugar. Dua a soldado ti napatay ken dua met ti nadunor iti dua nga agsaruno nga engkwentro. Nakamaniobra paadayo ti yunit nga awan ti nayon a dangran da.

Nakaro a militarisasyon

Segun iti NDF-Mindoro, ti napadasan a terorismo dagiti residente ken katutubo idiay Abra de Ilog idi baro a tawen ket maysa laeng kadagiti saan a mabilang a panaglabsing iti karbengan-tao ti AFP-PNP ken CAFGU iti komunidad kadagiti napalabas a tawen.

Madama a nakadeploy iti isla ti 10 ken kagudwa a batalyon ti pinagtipon nga AFP, PNP ken CAFGU. Kabilang ditoy ti 76th IB, 1st IB, 59th IB ken 5th Scout Ranger Batallion iti sidong ti 203rd IBd ken 2nd ID.

Dagitoy ket agserserbi a protektor dagiti gangannaet ken lokal a burgesya kumprador a manon a dekada a mangag-agaw iti ansestral a daga dagiti katutubo a Mangyan. Kasabwat met dagiti kumprador ti lokal a gubyerno ken dagiti ahensya kas ti National Commission on Indigenous Peoples ken Department of Environment and Natural Resources.

Maysa kadagiti proyekto a plano a maitakder idiay Abra de Ilog ket ti US$25 milyon a natural gas power plant ti Rise Capital Group Nash Oil, Gas and Power Inc., maysa a kumpanya nga Amerikano. Plano met ti kumpanya nga Alternergy Holdings Corporation nga agitakder ti 40 megawatts a wind farm, nga addaan kalawa nga 18,711 ektarya iti Barangay Wawa. Pinondoan daytoy ti Asian Development Bank.

Idiay Sityo Malatabako, Barangay San Vicente, patpatalawen ti Pieceland Corporation dagiti Mangyan-Iraya iti komunidad. Plano ti kumpanya a takderan ti subdibisyon ti 36 ektarya nga ansestral a daga.

Kabayatanna, idiay Barangay Monteclaro, San Jose, ti komunidad ti Mangyan-Buhid ket nabayagen a makapadpadas ti panagagaw ti daga. Masarakan ditoy ti operasyon a kwari ken minas ti Tamaraw Reservation Expansion Project a salsalakniban ti militar.

Segun iti NDF-Mindoro, iti laksid ti todo-todo a terorismo ti estado, natured a lumablaban dagiti Mindoreño para iti pagimbagan ken karbengan da. Ti pannakidangadang da ket pammaneknek iti agtultuloy a panagtarigagay iti hustisya iti gimong, wayawaya ken demokrasya.