Iti nabiit pay nga ulat ti New People’s Army (NPA), nakairuswat ti operasyong a haras dagiti yunit daytoy idiay South Cotabato ken Negros Oriental idi maudi a kwarter ti 2025.

Pinaputukan ti NPA-South Cotabato ti tropa ti 105th IB idiay Sityo Kangko, Barangay Lamlahak, Lake Sebu, South Cotabato idi Disyembre 11, 2025 alas-12:50 ti parbangon. Pito a bulanen nga agkamkampo ken agop-operasyon ti militar iti nasao a barangay.

Idiay Negros Oriental, dagus a nagresponde ken inatake ti NPA-Central Negros (Leonardo Panaligan Command) ti tropa ti 62nd IB a naranggas a nagpaltog iti maysa a sibilyan idiay Barangay Trinidad, Guihulngan City, Negros Oriental idi Nobyembre 21, 2025. Segun iti ulat, alas-10 ti agsapa idi kellaat laengen a pinalto-paltogan ti lima a soldado ti 62nd IB ti mannalon a ni Rene Nellas iti Sityo Columbia bayat nga adda iti taltalon na. Natalged a nakataray ni Nellas.

Saan nga ammo ti militar nga adda ti yunit ti NPA-Central Negros asideg iti lugar. Apaman a nangngeg dagiti Nalabbaga a mannakigubat dagiti putok, dagus da a nagmaniobra ken hinaras ti lima a tropa ti pasista a soldado,” segun ken Ka JB Regalado, tagpagsarita ti NPA-Central Negros.