Panaglaban iti korap ken pasista a 2026 badyet. Nagprotesta dagiti progresibo a grupo idiay Mendiola idi Enero 5 tapno batikusen ti korap ken pasista a 2026 badyet a pinirmaan ni Ferdinand Marcos Jr iti didiay nga aldaw. Nagrali da met idi Disyembre 29, 2025 iti Nababa a Kapulungan ti Konggreso idiay Quezon City idi pinaspasan da ti ratipikasyon ti badyet. Ti badyet ket natatek ti pork barrel, unprogrammed appropriations, confidential funds a pondo para iti kurakot ken pasismo.

Kontra pribatisasyon idiay Baguio City. Kalpasan ti mano a bulan a panagsupyat, napaatras ti umili ti plano a pribatisasyon ken “mallification” ti pangpubliko a palengke idiay Baguio City. Idi Enero 3, inyanunsyo ti lokal a gubyerno nga immatras ti SM Prime Holding Inc iti balak daytoy nga alaen ti palengke. Iti Enero 9, naituding a pagbotosan ti konseho ti syudad ti pribatisasyon ti nasao a palengke.

Panagsupyat iti panagpaserra iti palengke idiay Pasay City. Kinundenar ti nasurok 200 aglaklako ken nasurok 500 a mangmangged, kargador ken traysikel drayber ti panangiserra iti Wowee Market idiay Pasay City idi Disyembre 19, 2025. Inpaserra daytoy ti lokal a gubyerno gapu kadagiti dakdakamaten da a panaglabsing ken kinakurang dagiti permit. Ginasut ti maawanan ti pagbiagan ken maipaidaman ti nalaklaka a gagatangen dagiti residente nga agsangsanggir ditoy.

Kontra-demolisyon iti komunidad idiay Pasig City. Tinakderan dagiti residente ti Leona Compound iti Nagpayong, Barangay Pinagbuhatan, Pasig City ti laban da kontra iti panagpatalaw kadakwada ti lokal a gubyerno idi Enero 5. Supsupyaten dagiti residente ti demolisyon nangruna ta awan ti naituding a pangiyakaran kadakwada.

Panagsubli idiay Luneta ti alyansa a kontra korapsyon. Balbaliw a nagturong iti Luneta Park idiay Manila ti Kilusang Bayan Kontra Kurakot (KBKK) tapno sagutan ti sabong ken padayawan ni Dr. Jose Rizal iti anibersaryo ti aldaw ti pannakatay na idi Disyembre 30, 2025. Ti Luneta Park ket nagbalin a saksi iti protesta a kontra korapsyon ti 100,000 katao idi Setyembre 21, 2025 ken nasurok 20,000 katao idi Nobyembre 30, 2025 iti panangiyuna ti KBKK ken dagiti grupo iti sidong daytoy.