Sang sini lang nga report sang Bagong Hukbong Bayan (BHB), nakalunsar sang operasyon haras ang mga yunit sini sa South Cotabato kag Negros Oriental sadtong ulihi nga kwarto sang 2025.

Ginpalukpan sang BHB-South Cotabato ang tropa sang 105th IB sa Sityo Kangko, Barangay Lamlahak, Lake Sebu, South Cotabato sadtong Disyembre 11, 2025 sang alas 12:50 sang kaagahon. Pito ka bulan nga nagakampo kag naga-operasyon ang militar sa amo nga barangay.

Sa Negros Oriental, gilayon nga nag-responder kag gin-atake sang BHB-Central Negros (Leonardo Panaligan Command) ang tropa sang 62nd IB nga patarasak nga nagpaniro sa isa ka sibilyan sa Barangay Trinidad, Guihulngan City, Negros Oriental sadtong Nobyembre 21, 2025. Suno sa report, alas-10 sang aga gulpi lang gintiro sang lima ka soldado sang 62nd IB ang mangunguma nga si Rene Nellas sa Sityo Columbia samtang yara sa iya uma. Luwas nga nakadalagan si Nellas.

Likom sa ihibalo sang militar, may yunit sang BHB-Central Negros malapit sa lugar. “Pagkabati sang mga Pulang hangaway sang linupok, gilayon sila nga nagmaniobra kag gin-haras ang lima ka tropa sang pasistang soldado,” suno kay Ka JB Regalado, tagpamaba sang BHB-Central Negros.