Lapnagon nga ginlunsar sang mga progresibong grupo ang kampanya sang pagbisita kag pagpangalap sang suporta para sa mga bilanggong pulitikal sang Pilipinas sadtong Disyembre 2025. Naghulag kag nagbuylog sa kampanya ang tigpangapin sang tawhanon nga kinamatarung, himata sang mga bilanggong pulitikal, tawong simbahan, mga abogado, pamatan-on, kababaehan, mamumugon kag mga grupong internasyunal.

Nareport ang pagbisita sa mga bilanggong pulitikal sa Northern Luzon, Aurora, Nueva Ecija, Bulacan, Laguna, Metro Manila, Iloilo, Tacloban City, Butuan City, North Cotabato, kag Davao City. Gindal-an ang mga bilanggong pulitikal sang mga pagkaon, gamit katinlo, bulong kag mga sulat nga nagapahayag sang suporta sa ila paghimakas para mahilway.

May halos 700 ka bilanggong pulitikal sa Pilipinas kon diin masobra sa 160 ang gin-aresto sa panahon sang rehimen Marcos. Lakip diri ang indi magnubo sa 136 nga bilanggo nga babaye, 93 ka mga tigulang kag 89 ka may balatian.