Madinalag-on nga ginlunsar sadtong Oktobre 2025 sa US ang pagtukod sang Christians for National Liberation-Compatriots (CNL-Compatriots). Ang tsapter ang pinakauna nga subsektor sa idalum sang Compatriots nga naglunsar sang pangkalibutanon nga asembliya.

Nagtipon sa asembliya ang yara sa 120 ka lider sang pagtuluohan halin sa lain-lain nga tsapter kag selula sang CNL-Compatriots, kag mga obserber halin sa Compatriots-National Democratic Front, Kabataang Makabayan-Compatriots, Makibaka-Compatriots kag iban pa. Naglunsar man sang kadungan nga pagtipon sa lain-lain nga pungsod ang mga tsapter sang CNL-Compatriots.

Sa pagtipon, gintalakay ang natabo nga kongreso sang Compatriots sining tuig kag ang nangin pag-uswag sang rebolusyonaryong kahublagan sa kubay sang mga Pilipinong migrante. Naghatag man sang pahayag ang lider sang CNL sa Pilipinas. Gintun-an kag gintalakay diri ang mga dokumento sang organisasyon, lakip ang oryentasyon, programa, tatlo ka tuig nga programa, kag kampanya. Naglunsar man sang eleksyon kag nagtukod sang komiteng tigpatuman kag konseho sa lebel tsapter kag pangkalibutan.