Malampusong gisaulog sa mga sonang gerilya sa Mindoro ang ika-57 nga anibersaryo sa Partido Komunista ng Pilipinas (PKP) taliwala sa walay puas nga operasyon sa mga tropa sa 203rd IBde ug pulis. Sa pagpanguna sa mga yunit sa Bagong Hukbong Bayan-Mindoro (Lucio de Guzman Command), nalunsad ang mga pulong anibersaryo sa tema sa pamahayag sa Komite Sentral nga “Paborable kaayo ang sitwasyon aron labaw pang iasdang ang demokratikong rebolusyon sa katawhan.”

Sa tibuok 2025, gisuklan sa BHB-Mindoro ug katawhang Mindoreño ang subsub nga kontra-rebolusyonaryong gubat sa isla. Makapila ka beses nga gideklara sa 203rd IBde ug bisan sa 2nd ID nga pagapulbuson niini ang rebolusyonaryong kalihukan sa Mindoro niadtong 2025.

Nagbalik-lantaw ang mga rebolusyonaryong pwersa sa magilakong kasaysayan sa Partido ug sa malampusong pagpangulo niini sa rebolusyong Pilipino sulod sa 57 ka tuig. Sa usa ka pamahayag, gitaho sa tigpamaba sa BHB-Mindoro nga si Ka Madaay Gasic nga sa diwa sa pagtul-id ug giya sa Partido naabot sa yunit ug subling nalihukan ang 84% sa mga lungsod sa isla ug signipikanteng ihap sa mga baryo.

Panagtapok para sa selebrasyon

Gihisgutan sa gihimong panagtapok para sa anibersaryo ang kalibutanon ug nasudnong sitwasyon, kasaysayan sa Partido, mga saysay sa kadaugan sa rebolusyong agraryo sa Mindoro, ug ang mga hagit, panawagan ug hinanaling tahas alang sa pagpakusog sa rebolusyonaryong kalihukan.

Nagmabulukon ang mga asembliya sa mga kulturanhong pasundayag sama sa kanta-sayaw sa “Ang Gabay,” balagtasan nga “Ang Tunay na Hukbo ng Mamamayan,” drama nga nagpakita sa adlaw-adlaw nga pakigbisog sa masa ug paggakos nila sa rebolusyon ug ang kolektibong pagsayaw sa kantang “Kun Walay BHB.”

Giparangalan usab sa mga programa ang mga martir sa rebolusyong Pilipino lakip ang mga bag-ong bayani nga naghalad sa ilang kinabuhi niadtong miaging tuig.

Misalmot sa mga pagsaulog ang mga masang mag-uuma ug mga Mangyan, mga lokal nga aktibistang masa, ug mga bisita gikan sa lungsod.

Usa ka bulang pagpangandam

Tibuok bulan sa Disyembre, gisaulog sa mga rebolusyonaryong pwersa ang anibersaryo sa Partido. Sa mga yunit sa BHB, adunay paunang mga aktibidad sama sa mga kulturanhong aktibidad ug senemanang kapihan. Niadto mismong Disyembre 26, 2025, gihimo ang pagbayaw sa bandera sa Partido uban ang masa.

Isip pagpahaum sa sitwasyong militar ug bisi nga iskedyul sa produksyon, gihimo sa mga yunit ang plano alang sa mga dinalian ug ginagmay nga mga selebrasyon nga ginalunsad kanus-aman ug asaman libre ang mga tagabaryo. Adunay usa ka yunit nga naglunsad og tigum anibersaryo sa naagiang balay atol sa lakawan gikan sa usa ka dakung panagtapok. Natukod dinhi ang lokal nga organisasyong masa.

Naghatag usab ang usa pa ka yunit sa BHB og pagbansay sa mga residente sa usa ka militarisadong erya. Tubag kini sa ilang pangayo nga makabaton og kapasidad nga panalipdan ang ilang kaugalingon batok sa nag-operasyong mga sundalo ug mga ahente paniktik nga sagad anaa sa erya.

Paggakos sa masa sa rebolusyonaryong kawsa

Dili mahimong malampuson ang tibuok bulang pagsaulog sa anibersaryo sa Partido kung wala ang mainiton ug kinasing-kasing nga pagsuporta sa masa sa tinguha sa Partido. Gipasiugdahan nila ang mga aktibidad gikan sa pagluto sa mga handa, pagsag-ob, pagsiguro sa seguridad, paghatod ug pagsundo sa mga mibisita sa sonang gerilya ug aktwal nga pagsalmot sa programa.

“Dili masiguro ang kadaugan sa rebolusyon kung dili mahimong mapangahas sa gimbuhatong masa,” pamahayag ni Ka Ruffa, kagawad sa usa ka yunit sa BHB. Malipayong gisalu-saluhan sa mga tagabaryo ug hukbo ang handang karneng manok, pansit, ispageti ug biko.

“Nagdesisyon ko nga magpabilin pa sa yunit tungod kay napukaw ko sa kinasing-kasing nga dedikasyon sa Hukbo sa pag-organisa ug pagpalambo sa kinabuhi sa masa,” matud ni Ka Elias, usa sa batan-ong mibisita.