Malukpanong gilunsad SA mga progresibong grupo ang kampanya sa pagbisita ug pagpangalap og suporta alang sa mga bilanggong pulitikal sa Pilipinas niadtong Disyembre 2025. Milihok ug miabag sa kampanya ang mga tigpanalipud sa tawhanong katungod, paryente sa mga bilanggong pulitikal, tawong-simbahan, mga abugado, kabatan-onan, kababayen-an, mamumuo ug mga grupong internasyunal.

Nataho ang pagbisita sa mga prisohan sa Northern Luzon, Aurora, Nueva Ecija, Bulacan, Laguna, Metro Manila, Iloilo, Tacloban City, Butuan City, North Cotabato, ug Davao City. Gihatdan ang mga bilanggong pulitikal og mga pagkaon, gamit panglimpyo, tambal ug mga sulat nga nagpadayag og suporta sa ilang pakigbisog para malingkawas.

Adunay halos 700 ka bilanggong pulitikal sa Pilipinas kung asa kapin 160 ang giaresto sa panahon sa rehimeng Marcos. Lakip dinhi ang dili moubos sa 136 ka bilanggong babaye, 93 ka tigulang ug 89 ka masakiton.