Malampusong nalunsad niadtong Oktubre 2025 sa US ang pagtukod sa Christians for National Liberation-Compatriots (CNL-Compatriots). Ang balangay ang pinaka-unang sub-sektor ilalum sa Compatriots nga naglunsad og kalibutanong asembliya.

Nagtapok sa asembliya ang anaa sa 120 ka lider sa pagtoo gikan sa lain-laing balangay ug selula sa CNL-Compatriots, ug mga obserber gikam sa Compatriots-National Democratic Front, Kabataang Makabayan-Compatriots, Makibaka-Compatriots ug uban pa. Naglunsad usab og dungan nga panagtapok sa lain-laing nasud ang mga balangay sa CNL-Compatriots.

Sa panagtapok, gihisgutan ang nahitabong kongreso sa Compatriots niining tuiga ug ang nahimong paglambo sa rebolusyonaryong kalihukan sa han-ay sa mga Pilipinong migrante. Naghatag usab og pamahayag ang lider sa CNL sa Pilipinas. Gitun-an ug gihisgutan dinhi ang mga dokumento sa organisasyon, lakip ang oryentasyon, programa, tulo ka tuig nga programa, ug kampanya. Naglunsad usab og eleksyon ug nagtukod og komiteng tigpatuman ug konseho sa ang-ang balangay ug internasyunal.