Iginreport han Bagong Hukbong Bayan (BHB)-Northern Samar (Rodante Urtal Command) an pira ha mga armado nga aksyon han mga yunit hini kontra ha 19th IB hadton Disyembre 2025. Diri mamenos ha tulo nga sundalo han 19th IB an napatay hini samtang mayda mga nasamaran.

Ha Las Navas, gin-ambus han usa nga yunit han BHB an tropa han 19th IB hadton Disyembre 15, 2025 ha Barangay Poponton. Antes hini, ginpakyas han BHB-Northern Samar an reyd han 19th IB ha kampo han Pula nga hukbo ha Barangay Gusaran, Silvino Lobos hadton Disyembre 10, 2025. Namartir ha reyd an usa nga Pula nga mangaraway.

Samtang, ginreport liwat hini an aktibo nga depensa kontra ha 37-elemento nga yunit han 19th IB nga nag-atentar nga umatake hadton Hulyo 22, 2025 ha kampo han BHB ha Barangay L. Empon, Las Navas. Diri mamenos ha upat nga tropa han 19th IB an napatay samtang waray kaswalti ha yunit han BHB.