Ginreport sang Bagong Hukbong Bayan (BHB)-Northern Samar (Rodante Urtal Command) ang pila sa mga armadong aksyon sang mga yunit sini batuk sa 19th IB sadtong Disyembre 2025. Indi magnubo sa tatlo ka soldado sang 19th IB ang napatay diri samtang may mga napilasan.

Sa Las Navas, gin-ambus sang isa ka yunit sang BHB ang tropa sang 19th IB sadtong Disyembre 15, 2025 sa Barangay Poponton. Antes sini, ginpaslaw sang BHB-Northern Samar ang reyd sang 19th IB sa kampo sang Pulang hukbo sa Barangay Gusaran, Silvino Lobos sadtong Disyembre 10, 2025. Namartir sa reyd ang isa ka Pulang hangaway.

Samtang, ginreport man sini ang aktibo nga depensa batuk sa 37-elementong yunit sang 19th IB nga nagtilaw nga magsalakay sadtong Hulyo 22, 2025 sa kampo sang BHB sa Barangay L. Empon, Las Navas. Indi magnubo sa apat ka tropa sang 19th IB ang napatay samtang wala sang kaswalti sa yunit sang BHB.